De olde lindeboom

Op het grösveld an de Hof in Almen staot 2 lindebomen.  De kleinsten is noe 36 jaar old, en is eplant in 1988 toen Beatrix 50 jaor werd. Den groten is völle older, den is naor schatting al wel  225 jaor. Dizze lindeboom heurden bi-j 't olde landgoed ter Meulen.

Vrogger lag der tussen de Barkel en de Dorpsstraote een groot park, met tuinen, wandelpaden en vievers. Op dit landgoed stond een groot en prachtig landhuus: Huis ter Meulen. Het witte huus achter de schole was het tuinmanshuus dat bi-j Huis ter Meulen heurden.  De kolke an de Barkelweg maakten deel uut van de olde grachten en vievers van het landgoed. De Ter Meulenstraote is nog een deel van de rechte lane tussen Huis Ter Meulen en de Dorpsstraote (toen neumden ze den "de grindweg van Lochem naor Zutphen"). Huis ter Meulen is af ebraoken in 1879.

Helaas is den olden lindeboom op de Hof an etast deur de tonderzwamme. Het verschienen van den tonderzwamme is een teken dat het niet goed geet met den boom. Een tonderzwamme is een paddenstool den an de bast van beume zit. As de zwamme allene in de tekke zit, kun 'j die nog afzagen.

Gelukkig bunt ze kots an 't wark ewest um den olden lindeboom te redden. Met een hoogwarker werden an getaste tekke in de krone van de boom weg ehaald, um direct daornao versnipperd te worden.
Wi-j haopt dat unzen olden lindeboom nog een mooi steutjen in laeven blif!