't Ogenblik
Unze kinder groot
De deure uut
Mangs heure wi-j
De stilte in huus
Afslag in 't laeven
Naor iets moois
Dat nog verborgen is
Uns eerste kleinkind
Een wonder
Zo leef en mooi
Dat kleine pöpken
In miene grote hande
Die traonn
Bunt van geluk
Hard glidt de tied
an ons veurbi-j
Klein pöpken
Naor de schole
Een groten stap
Vol vertrouwen
Um nooit te vergetten
Was 't ogenblik
Dat zee stille stond
Midden op eur pad
Een rondje draeiden
En zee reep:
"Dit is mijn wereld"
Ik ware bli-j
En trots
't Geluk krop
Mi-j in de kaele
Flkitsend deur de kop:
En ik bun
Eur opa!
Henk Muileman
